2020-2021 egutegia

Klaseak astelehena 21

Kurtsoa astelehenean hasiko da. Hurrengo dokumentua arretaz irakurri.

 

 

Dokumentua

Ordutegiak

Ongi etorri 2020-2021 kurtsora.

 

Ordutegiak

Araitz-Betelu

Basaburua

Goizueta 

Lekunberri-Larraun 

Leitza 

Ultzama

 

Matrikulazio kanpaina

 

Kaixo: 

Hemen dator aurtengo matrikulazio kanpaina: maiatzaren 25etik ekainaren 7ra izango da. 

Aurten, gure ikasleak zaretenak, matrikula hiru modutan egiteko aukera izango duzue:

• Mail bitartez, modu errazean, heldu den ikasturtean musika eskolan matrikulatuta jarraitu nahi duzuela adieraziz.
• PDF formatuan dagoen matrikula bete eta eskolara mail bitartez bidaliaz.
• Udaletxeetan.

 * Atez eta Odietako ikasleak, beti bezala, Ultzamako udaletxean egin beharko duzue matrikula.

Oso garrantzitsua: gaur egun, udal bulego batzuk jendearen harrerarako zerbitzua itxita dute eta beste batzuk berriz, irekita. Edozein kasuetan eta bulegoa irekita egongo balitz ere, azpimarratu nahi dugu modurik egokiena eta osasun arriskurik gutxien suposatzen duena matrikula posta elektronikoaren bitartez egitea dela. 

 Honen guztiaren inguruan hainbat informazio garrantzitsu atxikita bidaltzen dizuegu:

•  1. Matrikula egiteko prozeduraren inguruko hainbat informazio, talde instrumentalaren inguruko informazio garrantzitsua barne.
• 2. Matrikulazio inprimakia eta baseak.

OSO GARRANTZITSUA COVID 19 EGOERAN

Datorren ikasturteari begira, Covid-aren ingurutik izan daitekeen egoera dela eta,   agian batzuk zalantza ezberdinak izan ditzakezue matrikula egiterako garaian.  Hona hemen kontutan izan beharreko zenbait gauza:

·        Matrikula egiteak, plaza erreserba  suposatzen du. Zentzu honetan, ekainaren 30a arte matrikula deuseztatzeko aukera duzue inongo errekargurik gabe. Zalantzan bazaudete, guk matrikula epearen barnean egitera animatzen zaituztegu.

·        Azken hilabeteetan eduki dugun egoera dela eta, hainbat datu biltzen eta erregistratzen gabiltza. Estamentu ezberdinekin bilduko gara gai ezberdinak jorratzeko eta bertan hartzen diren erabaki guztiak, ekainaren 30a baino lehen helaraziko zaizkizue.

·        Ekainaren 30erako, zuen erabakia hartzeko nahikoa informaziorik izan ezean, edota jasotzen duzuen informazioaren arabera, datorren ikasturtean ez matrikulatzea erabakitzen baduzue, aipatutako epean, dena bertan behera uzteko aukera izango duzue.

Ongi izan!

Tresna hautaketa

HELDU DEN IKASTURTERAKO ZURE SEME ALABAK TRESNA AUKERATUKO DU.

Hementxe idazten dizugun informazioa gure ezagutza eta esperientzian oinarrituta dago eta baliagarria izango zaizulakoan gaude.

Diptikoa

Dossier

Baratze bat bideo grabaketa

Kaixo!
Musika eskolatik bideo polit bat egiteko proposamena dugu.
Osatuko al dugu abesbatza erraldoi bat?
Guztion artean (ikasle, irakasle eta gurasoak baita ere) “Baratze bat” abestia kantatzea proposatzen dizuegu.
Guztion partehartzearekin egingo dugun bideo muntaia ederra suertatu daiteke eta munduari erakutsiko diogu egoera txarrak gainditzeko abestea bezalakorik ez dagoela.
Animatzen zara?

Hemen duzu informazio guztia:


Baratze bat (Mp3)
Instrukzioak

Hau da egün ederra

Mila txoriek kanta

Tziauri enerregina

Besoak zuri ditizüt para

Baratze bat nahi deizüt egin

Amets segretüenekilan

Liliak egün jauntzi ederrenetan

Mila kolorez dantzan bihotzetan

Gaü beltz ta sakonetik

Elkitzen naük hoztürik

Bihotza hain tristerik

Hitaz üsü berantetsitürik

Baratze bat nahi deizüt egin

Amets segretüenekilan

Liliak egün jauntzi ederrenetan

Mila kolorez dantzan bihotzetan

Ohar garrantzitsua!

Kaixo;
Jada dakizuen bezala, COVID19a dela eta, hezkuntza jarduera 
presentzial guztiak bertan behera geratzeko agindua etorri da Nafar 
Gobernutik. Agindua 15 egunetarako da printzipioz, baina egoeraren arabera, luzatu egin daiteke. Gaur goizean horrela jakinarazi diegu 
gure udal agintariei.

Honen aurrean, ondorengoak adierazi nahi dizkizuegu:
1.   Musika Eskolako klase presentzial guztiak bertan behera geratuko 
dira aginduak dirauen bitartean.
2.   Musika Eskolako irakasleak ohiko ordutegian lan egingo dugu.
3.   Musika Eskolako bulegoarekin kontaktatzeko mail bitartez edo 
telefonoaren erantzungailuan mezua utziaz egin beharko duzue.
4.  Jarraipen akademikoa helburutzat hartuta, gaur goizeko klaustroan 
honakoa erabaki da:

Martxoaren 16tik  27ra (hau barne)

a) klaseak on-line eta gure eskura ditugun teknologia berriak erabiliz 
ematen saiatuko gara.  Mail edo bideo konferentzia dira baliabide 
egokienak baina beste batzuk ere izan daitezke.
b) Ikasgaia ezberdinen berezitasuna kontutan hartuta irakasleak modu 
bateko edo besteko planteamendua luzatuko dizue.
d) Irakasleak, zuen seme-alabei dagokien  klase ordutegian on-line edo 
telefono bitartez kontaktuan jarriko dira zuekin.
Hauxe astelehenetik aurrera izango da eta beti ere, esan bezala, zuen 
klase egunean eta ordutegian.
Adibidez: "saxofoiko klasea, nire alabak astearteetan 17:30ean izaten 
badu irakasleak egun eta ordu horretan kontaktatuko luke nirekin, 
klase hori etxetik egin ahal izateko". Horrela, ordutegietan ez dugu 
zapalkuntzarik izango.

Ikasle gazteen kasuan, batzuk beraien telefono propioa dute eta zuek 
eragozpenik ez baduzue behintzat, irakasleak zuzenean beraiekin 
kontaktatuko du.

Guztion etxeetan tresneri teknologikoaren edukiera maila ezberdina da 
eta saiatuko gara zuen baldintzetara egokitzen.

Dudarik gabe, neurri zailak edo bereziak dirudite baina, ohi dugun 
bezala, egoera berrietara egokitzeko ahaleginak egingo ditugu eta ziur 
gaude honetatik ere ondorio interesgarriak jasoko ditugula.

Azken bi ohar:
1.      Abesbatzako kontzertua ez da Martxoaren 28an egingo. (Begi bistan 
denez, data ezin dugu orain erabaki).
2.      Lekeitiora, maiatzaren 9an Abesbatza Gaztea eta Talde Instrumental 
batzurekin egin nahi zen bidaia bertan behera geratu da eta aurtengo 
ikasturtean ez da egingo. Hau, Lekeitioko Udalaren erabakia izan da. 
(Bidaiariekin, laster jarriko gara zuekin kontaktuan).

Gure aldetik,  egitasmoa aurrera eramateko zuen konpromezua eskatzea 
besterik etzaigu falta.
Animo guztioi.